Disa burra malazezë u mashtruan pasi paguanin për nuset e reja nga Shqipëria, por nuk i morën kurrë.

Një burrë, i cili donte të mbetej anonim sepse kishte turp, pohoi se i kishte dhënë 2500 euro një nuseje shqiptare që nuk e kishte parë kurrë. “Dëshiroj të paralajmëroj të gjithë ata që vendosin të ndërmarrin një hap të tillë, të jenë shumë të kujdesshëm, që të mos ndodhë e njëjta gjë me ta”, paralajmëron ky njeri.

– Shumë nga bashkëfshatarët e mi u martuan me nuse nga Shqipëria dhe të gjitha janë amvisa shumë të mëdha, ndaj gjeta një ndërmjetës që të bënte të njëjtën gjë për mua. Gjeta një ndërmjetës që kërkoi 3000 euro për të paguar familjen. I dhashë vetëm 2500 euro se kisha vetëm kaq, dhe pjesën tjetër duhej t’ia jepja pasi të mbaronte punën.

Më solli një foto të nuses potenciale, më pëlqeu kështu që shkuam ta merrnim. Kur shkuam atje familja e saj më tregoi një vajzë tjetër, e cila ishte shumë më e madhe dhe dukshëm me aftësi të kufizuara, gjoja vajza që zgjodha ishte me disa të afërm në një qytet tjetër. “Kështu që ne ramë dakord të shkojmë përsëri pas dy javësh,” tha ai

–Nderkohe me mori ne telefon ndermjetesuesi dhe me tha qe familja ishte shume e ofenduar dhe se nuk do me jepnin nuse dhe nuk do me kthenin para, keshtu qe me kerkoi me shume para per te gjetur nuse tjeter, por Nuk doja sepse tashmë e kisha humbur besimin – tha burri.

Një tjetër burrë ka dhënë 10 mijë euro për nusen dhe ka udhëtuar 8 herë në Shqipëri, ndërsa nusja është ende e zhdukur. Ai dyshon se ky është një zinxhir i lidhur mashtrimi. Ata fitojnë në fatkeqësinë e dikujt tjetër, Zoti i dënoftë, – shpjegoi dhëndri. Ai ka thënë se në fund ka arritur të sjellë një shqiptare për të cilën ka paguar 3000 euro, por ajo ka ikur.

– Fillimisht duhej ta takoja, pastaj t’i propozoja. Të tilla janë zakonet. Edhe familja e saj erdhi për të parë se ku jetoja unë. Herën e tretë shkova për ta sjellë në shtëpi. Pas 17 ditësh ka ikur, nuk e di si. “Besoj se edhe atëherë më kanë gënjyer sepse më vonë kam marrë vesh se në Shkodër ka agjenci dhe se u paguhet një pjesë e shumës për vajzat që gjoja martohen dhe më pas ikin”, tha ai.

Në fund të fundit ai thotë se nuk i rekomandon askujt përmes personave të panjohur të kërkojë nuse nga Shqipëria sepse me siguri do të mashtrohen. Ai donte të shkonte në polici, por do të dukej si një skllav i bardhë, kështu që ndryshoi mendje.