Një grup të rinjsh në Serbi kanë hequr flamurin shqiptar në rrugët e Beogradit të vendosura në datat 11 dhe 12 Tetor në kuadër të samitit të Painkuadruarve. Në videon e publikuar nga faqet serbe, ata duken duke marrë flamurin shqiptar, duke lënë të valëvitet vetëm flamurin serb.

Sipas mediave serbe pas samitit në rrugët e Serbisë mbetën shumë flamuj të shteteve pjesëmarrëse, duke përfshirë edhe atë të Shqipërisë. I riu që ka ndërmarrë nismën për heqjen e flamujve është identifikuar si Nikolla Keljanoviç. Ai është një personazh i njohur në Serbi për sjelljet e tij eks.trem.iste.

“Unë dhe shoku im po ecnim përgjatë Bulevardit, kur pashë flamujt shqiptarë. U ndalëm për t’i hequr nga aty. Kur u afruam pamë katër djem që erdhën drejt nesh për të na ndihmuar”, ka deklaruar ai.

Në pamje duken katër të rinj, tre prej të cilëve qëndrojnë poshtë shtyllës ku qëndron flamuri duke u bërë “urë” për të katërtin që e heq atë duke e ulur poshtë. Ngjarja ka ndodhur mbrëmjen e djeshme por është bërë publik vetëm sot, përmes fotove dhe videove që vetë të rinjtë kanë publikuar në rrjetet sociale.