Rezoluta me 13 pika, hartuar nga djalli plak i Lalzit, është provë e qartë dhe e plotë, se partia blu e idealit të ‘90-ës, është kapur nga interesat e ze.za ekonomike që u ofron ma.fia e pushtetit.
Është fakt tashmë, që frikën e humbjes së kolltukut në PD, Lulzim Bashës ia hoqën ata që votojnë si “bata.lion ushta.rak” me urdhër të Berishës, por dhe sikletin për humbjen e pestë radhazi të zgjedhjeve për pushtet, ia hoqi përsëri plaku i Lalzit.
Për ta servirur rezultatin e 25 prillit, sikur PD nuk humbi nga paaftësia e Lulit, por nga aftësia Ramës për të vjedhur votat; u hartua ky “tekst avokatie” me 13 pika; me të cilat, kryetarit të partisë iu pastrua çdo “njollë” dështimi, dys.himi e aku.zash për pazar me Ramën,
Kjo rezolutë e hartuar nga Sali Berisha, u servir para mediave e për miratim para kryesisë së partisë në kongres; si gjoja raport i përmbledhur konkluzionesh, dalë nga analizat që u bënë në mbledhjet e 52 degëve PD në rrethe.
Po të analizosh 13 pikat rezolutës së quajtur “Masa.kra zgjedhore e 25 prillit”, konkluzioni përmblidhet vetëm në një pikë: Përpjekje e ndotur, për të pastruar profilin e Lulzim Bashës si kryetar dështak; dhe damkën si “serum” i sun.dimit të Edi Ramës për 4 vite të tjera.
Zgjedhjet e 25 prillit, quhen “ma.sakër”, kur mund të quhen “maska.rallëk” i kryetarit Basha e drejtuesve kryesorë të PD, për shumë fakte të dyshimta e të provuara, me pazare skutash me Ramën, Ballën, Veliajn, Gjiknurin, Ahmetajn, Klosin dhe oligarkët e tyre.
Është anormalitet, që në analizën për shkaqet e humbjes së PD, u analizuan marifetet si fitoi PS-ja; duke e larë me 13 “pika uji” gjithë psi.llëkun e humbjes, që e la për 12 vite në opozitë këtë parti të madhe me kryetar të “vogël”.
Thuhet se Rama, gjatë fushatës përdori 125 milionë Euro fonde publike, me tendera banesash tër.meti, por nuk thuhet fakti, që 40% të këtyre tenderëve, i morën bizneset e drejtuesve lokal e qendror të PD-LSI dhe familjarë, ortakë e shokë të tyre.
Thuhet, se u bënë 13 mijë punësime elektorale, por nuk pranohet që 60% e tyre ishin anëtarë e militantë të PD-LSI, të cilët u joshën, aq sa para se t’u blihej vota, iu ble halli ekonomik; që më shumë besuan atë copë bukë të dhënë nga Rama, se sa premtimet që bënin ditën Basha e Monika, ndërsa natën bënin pazare për tendera e vila me ministrat dhe oligarkët e pushtetit.
Pas kongresit të 2013-ës, ky është kongresi i dytë, që Lulzim Basha nuk lejon të analizohen shkaqet e vërteta, se përse ai dhe ata që mbanë rrutoull nuk po e sjellin dot PD në pushtet; por vazhdon justifikohet, duke nxjerr fletë-palosje me marifetet që përdori Rama për të mbajtur pushtetin.
