Nënkryetari i bashkisë së Tiranës Arbian Mazniku tha gjatë një interviste në emisionin “Opinion” se të gjitha shpenzimet e delegacionit shqiptar në Dubai janë mbuluar nga kompania mikpritëse.

Mazniku tha ndër të tjera se videoja e darkës në Dubai është nxjerr jashtë kontekstit, ndërkohë që hoteli ku delegacioni u akomodua ashtu si dhe restorantet ku hëngrën, gjithashtu ishin zgjedhur nga pala mikpritëse.

Fevziu: Jeni filmuar tek Nusreti që është dhe simbol i vanitetit. Kush e pagoi faturën e kësaj darke?

Mazniku: Kjo situatë e nxjerr jashtë konteksti, edhe unë po të isha në Tiranë ta shikoja do ndjehesha keq. Dhe për keqinformimin që ju është bërë, unë i kuptoj qytetarët. Në kontekstin e një vizite zyrtare në të cilin janë pala ftuese që cakton se ku qëndrohet, ku haet dreka, ku haet darka, pala e ftuar ka pak ç’të vendosë. Ne u ftuam aty, madje as menunë nuk e caktuam ne, ashtu siç ishte hoteli, makinat që na pritën apo na shoqëruan gjatë qëndrimit aty. Në panel kemi një ish-ambasador dhe njerëz që kanë qenë të ftuar. Dhe ne kur vijnë njerëz në Shqiëpëri mundohemi t’i çojmë ne vendet më të mira. Edhe zoti Basha kur i vijnë njerëz i çon tek “Padami”. Të gjitha shpenzimet e delegacionit shqiptar gjatë qëndrimit në Dubai ishin të mbuluara nga kompania./Opinion.al