Në studion e “Wake up” në Top Channel, ishte i ftuar këngëtari i njohur, Devis Xherahu. Ai foli për këngën e tij më të fundit, “Ti o ëngjëll”, e cila e bëri bashkë me këngëtarin e njohur grek, Panos Psaltis.

Kënga është pritur mjaft mirë nga publiku shqiptar dhe jo vetëm, duke marrë kështu shumë klikime në kanalin e “Youtube”. Xherahu ka zbuluar se ka qenë duke udhëtuar me makinë kur ka dëgjuar këngën e Panos, “Aggele Mou”, kur i ka ardhur ideja që ta bënte nga greqisht në shqip.

“Mora në telefon Panos dhe i thashë dëgjo këngën. Ai tha nuk është ndonjë gjë e re. i thashë se nuk është e re, por ende dëgjohet në Shqipëri, e pse mos ta kthejmë në shqip. Pastaj mora edhe Jorgo Papingjin, i cili brenda pak orësh e bëri këngën”, tregoi Devisi.

E teksa po këndonte këngën, në studio hyri edhe këngëtari i njohur grek dhe iu bashkua Xherahut e dy moderatorëve të njohur, Orit dhe islit. Madje Panos këndoi edhe në gjuhën shqipe: “Xhamadani vija-vija, është Kosova, është Shqipëria”.